ΤΗ ΑΓΙΑ ΚΑΙ ΜΕΓΑΛΗ ΠΑΡΑΣΚΕΥΗ

Με τα ανύποπτα και άσπιλα μάτια 
της αναδεικτής μου Μαρίας Μιχαλοπούλου, 
ο Χριστός ιστάμενος στον σταυρό... 
Όταν η πρώιμη αγνότητα 
διαθλάται στην ανόθευτη πίστη 
και η παιδική ματιά 
στους αποτροπιασμούς και τους δόλους των μεγάλων... Γ. Δ.

(2014)

ΕΥΑΓΓΕΛΙΟΝ ΤΗΣ Θ΄ΩΡΑΣ

Ἐκ τοῦ κατά Ἰωάννην

Κεφ. 19: 23-37

Τῷ καιρῷ ἐκείνῳ, ὅτε ἐσταύρωσαν τόν ᾿Ιησοῦν, ἔλαβον τά ἱμάτια αὐτοῦ καί ἐποίησαν τέσσαρα μέρη, ἑκάστῳ στρατιώτῃ μέρος, καί τόν χιτῶνα· ἦν δέ ὁ χιτών ἄρραφος, ἐκ τῶν ἄνωθεν ὑφαντός δι᾿ ὅλου. Εἶπον οὖν πρός ἀλλήλους· Μή σχίσωμεν αὐτόν, ἀλλά λάχωμεν περί αὐτοῦ, τίνος ἔσται· ἵνα ἡ Γραφή πληρωθῇ ἡ λέγουσα·«Διεμερίσαντο τά ἱμάτιά μου ἑαυτοῖς, καί ἐπί τόν ἱματισμόν μου ἔβαλον κλῆρον.»Οἱ μέν οὖν στρατιῶται ταῦτα ἐποίησαν. 

Εἱστήκεισαν δέ παρά τῷ Σταυρῷ τοῦ ᾿Ιησοῦ, ἡ Μήτηρ αὐτοῦ, καί ἡ ἀδελφή τῆς μητρός αὐτοῦ, Μαρία ἡ τοῦ Κλωπᾶ καί Μαρία ἡ Μαγδαληνή. ᾿Ιησοῦς οὖν ἰδών τήν Μητέρα, καί τόν Μαθητήν παρεστῶτα, ὃν ἠγάπα, λέγει τῇ Μητρί αὐτοῦ· Γύναι, ἰδού ὁ υἱός σου. Εἶτα λέγει τῷ Μαθητῇ· ἰδού ἡ μήτηρ σου. 

Καί ἀπ᾿ ἐκείνης τῆς ὥρας ἔλαβεν ὁ Μαθητής αὐτήν εἰς τά ἴδια. Μετά τοῦτο εἰδώς ὁ ᾿Ιησοῦς ὅτι πάντα ἤδη τετέλεσται, ἵνα τελειωθῇ ἡ Γραφή, λέγει· Διψῶ. Σκεῦος οὖν ἔκειτο ὄξους μεστόν· οἱ δέ, πλήσαντες σπόγγον ὄξους, καί ὑσσώπῳ περιθέντες, προσήνεγκαν αὐτοῦ τῷ στόματι. Ὅτε οὖν ἔλαβε τό ὄξος ὁ ᾿Ιησοῦς, εἶπε· Τετέλεσται· καί κλίνας τήν κεφαλήν, παρέδωκε τό πνεῦμα. 

Οἱ οὖν ᾿Ιουδαῖοι, ἵνα μή μείνῃ ἐπί τοῦ Σταυροῦ τά σώματα ἐν τῷ Σαββάτῳ, ἐπεί Παρασκευή ἦν· ἦν γάρ μεγάλη ἡ ἡμέρα ἐκείνη τοῦ Σαββάτου· ἠρώτησαν τόν Πιλᾶτον, ἵνα κατεαγῶσιν αὐτῶν τά σκέλη, καί ἀρθῶσιν.

Ἦλθον οὖν οἱ στρατιῶται, καί τοῦ μέν πρώτου κατέαξαν τά σκέλη, καί τοῦ ἄλλου τοῦ συσταυρωθέντος αὐτῷ· ἐπί δέ τόν ᾿Ιησοῦν ἐλθόντες, ὡς εἶδον αὐτόν ἤδη τεθνηκότα, οὐ κατέαξαν αὐτοῦ τά σκέλη, ἀλλ᾿ εἷς τῶν στρατιωτῶν λόγχῃ αὐτοῦ τήν πλευράν ἔνυξε, καί εὐθέως ἐξῆλθεν αἷμα καί ὕδωρ. 

Καί ὁ ἑωρακώς μεμαρτύρηκε, καί ἀληθινή ἐστιν ἡ μαρτυρία αὐτοῦ· κἀκεῖνος οἶδεν ὅτι ἀληθῆ λέγει, ἵνα καί ὑμεῖς πιστεύσητε. Ἐγένετο γάρ ταῦτα, ἵνα ἡ Γραφή πληρωθῇ· Ὀστοῦν οὐ συντριβήσεται αὐτοῦ. Καί πάλιν ἑτέρα Γραφή λέγει· Ὄψονται εἰς ὃν ἐξεκέντησαν.